IPOTEKA KREDIT - Birlamchi va ikkilamchi uy-joy bozoridan yakka tartibdagi turar-joy binosi yoki ko’p qavatli uydan kvartira sotib olish uchun.
Kredit doimiy rasmiy daromadiga ega yoki o’zini-o’zi band qilgan shaxslarga, O’zbekiston Respublikasi rezidenti bo’lgan, 18 dan 60 gacha bo’lgan fuqarolarga (bunda 60 yosh - shartnoma muddatining oxirgi sanasiga eng yuqori yosh chegarasi hisoblanadi) ajratiladi.
Ipoteka kreditining eng yuqori miqdori ariza taqdim etilgan kundagi bazaviy hisoblash miqdoridan kelib chiqib belgilanadi:
- Toshkent shahrida joylashgan yakka tartibdagi turar-joy binosi yoki ko’p qavatli uydagi kvartirani sotib olish uchun bazaviy hisoblash miqdorining 3 200 barobaridan oshmagan miqdorda;
- O’zbekiston Respublikasining boshqa hududlarida joylashgan yakka tartibdagi turar-joy binosi yoki ko’p qavatli uydagi kvartirani sotib olish uchun – bazaviy hisoblash miqdorining 2 400 barobaridan oshmagan miqdorda ajratiladi.
Kredit muddati – 144 oy.
Imtiyozli davr – 12 oy.
Qarz oluvchilar boshlang'ich to'lov miqdoriga qarab quyida taqdim qilinayotgan shartlardan biriga asoslangan holda kredit foizini tanlashlari mumkin:
Kredit rasmiy daromadiga ega fuqarolarga ajratilganda:
- Boshlang’ich to’lov 24% dan 40% gacha bo’lganda - yillik 27,99 %
- Boshlang’ich to’lov 40% va undan yuqori bo’lganda - yillik 27,49 %
Kredit o’zini-o’zi band qilgan shaxslarga ajratilganda:
- Boshlang’ich to’lov 30% dan 50% gacha bo’lganda - yillik 27,99 %
- Boshlang’ich to’lov 50% va undan yuqori bo’lganda - yillik 27,49 %
Bank Qarz oluvchiga ipoteka kredit bo’yicha oylik to’lovlarni hisoblash bo’yicha 2 usuldan birini tanlash imkoniyatini taqdim qiladi. Birinchisi – to’lovlar har oyda bir xil bo’ladi (annuitet), ikkinchisi esa – vaqt o’tishi bilan ular kamayib boradi (differensial usul).
Mijozning kreditni rasmiylashtirish bilan bog’liq xarajatlari kredit hisobiga xarid qilinayotgan yakka tartibdagi turar-joy binosi yoki ko’p qavatli uydagi kvartirani sug’urtalash va garovni rasmiylashtirish bo’yicha chiqimlarnigina o’z ichiga oladi.
Yakka tartibdagi turar-joy binosi yoki ko’p qavatli uydagi kvartirani xarid qilish uchun kredit berilishi va kreditga xizmat ko’rsatilish bo`yicha hech qanday qo’shimcha to’lovlar mavjud emas.
Yakka tartibdagi turar-joy binosi yoki ko’p qavatli uydagi kvartira ipotekasini sug’urtalash bo’yicha sug’urtalanuvchining to’lov puli miqdori kredit summasining 125%idan hisoblab chiqiladi.
Kredit olish uchun Bankka quyidagi hujjatlar taqdim qilinadi:
1. Kredit olish uchun ariza.
2. Shaxsini tasdiqlovchi hujjat (pasport, ID-Karta, istiqomat uchun berilgan guvohnoma va h.k.)
3. Kredit ta’minoti bo’yicha hujjatlar
4. Qarz oluvchi bilan birgalikda turar-joyda roʼyxatdan oʼtgan shaxslar toʼgʼrisidagi quyidagi hujjatlarlardan biri:
a) Qarz oluvchi bilan birgalikda turar joy/kvartirada roʼyxatdan oʼtgan shaxslar toʼgʼrisidagi soʼnggi maʼlumotlarni oʼz ichiga olgan uy kitobi sahifalarining nusxasi. Kredit boʼlimi xodimi uy daftarining tegishli betlaridan nusxa koʼchirib oladi;
b) Ushbu turar joy/kvartirada roʼyxatdan oʼtgan shaxslar toʼgʼrisida ichki ishlar organlarining maʼlumotnomasi;
v) Ushbu turar joy/kvartirada roʼyxatdan oʼtgan shaxslar toʼgʼrisida Davlat xizmatlari markazi yoki www.my.gov.uz rasmiy veb-saytidan olingan maʼlumotlar.
Birlamchi bozordan Yakka tartibdagi turar-joy binosi yoki ko’p qavatli uydagi kvartira sotib olinganda:
5. Investitsiya shartnomasi;
6. Kredit hisobiga sotib olinayotgan obʼekt joylashgan koʼp qavatli turar-joy yoki yakka tartibdagi turar-joy binosini qurish uchun vakolatli organ tomonidan ruxsatnoma mavjudligini tasdiqlovchi hujjatlar (hokimning qarori va boshqalar);
7. Kreditni vaqtincha ta’minlash bo’yicha turar yoki noturar joy garovi hujjatlari;
Ikkilamchi bozordan Yakka tartibdagi turar-joy binosi yoki ko’p qavatli uydagi kvartira sotib olinganda:
8. Sotuvchining turar-joy binosiga yoki koʼp qavatli uydagi kvartirasiga egalik qilish huquqini tasdiqlovchi hujjatning nusxasi bilan sotiladigan uy-joyning kelishilgan qiymati koʼrsatilgan holda yakka tartibdagi turar-joy binosini yoki koʼp qavatli uydagi kvartirani oldi-sotdi toʼgʼrisidagi dastlabki shartnomasi;
9. Mulkni baholash boʼyicha mustaqil baholovchi tashkilotning hisoboti.
Bank Qarz oluvchi/Birgalikda qarz oluvchining to’lov qobiliyatini yanada to’liq tahlil etish uchun qo’shimcha hujjatlarni talab qilish huquqini o’zida saqlab qoladi.
Umumiy shartlar
Sizga yordam berishdan xursandmiz
Bizning konsultantlarimiz sizga har qanday muammoni hal qilishda yordam berishadi. Shunchaki bizga qo'ng'iroq qiling yoki qayta qo'ng'iroq qilishni so'rang.
Alliance mobil ilovasi interaktiv xizmatlar va kalkulyator bilan jihozlangan.
Bankning qo'llab-quvvatlash xizmati bilan onlayn chat ham mavjud.