Размер шрифта: A A A
Цвет сайта: A A A A

Faktoring - bankka akseptlangan biroq to’lovchi tomonidan to’lanmangan etkazib berilgan tovarlar, ko’rsatilgan xizmatlar va bajarilgan ishlar uchun to’lov talabnomasi asosida regress huquqisiz to’lovlarni qabul qilish orqali mol yetkazib beruvchini moliyalashtirish xizmatidir.

Faktoring xizmatlari bankda asosiy talab qilib olinguncha hisob raqamiga ega bo’lgan mol yetkazib beruvchilarga ko’rsatiladi. Bunda to’lovchida muddati o’tgan kredit qarzdoriklari, zararlar, nolikvid balans va to’lovga noqobillik omillari bo‘lmasligi lozim.

Asosiy shartlar:

  • Faktoring muddati - 90 kundan ko’p bo’lmagan holda;

  • Faktoringdan ko’riladigan diskont - (mol yetkazib beruvchiga bank tomonidan to’lab berilgan summa va to’lovchidan undirilgan summa o’rtasidagi farq) - 10-20% yoki asosiy majburiyat summasidan kelib chiqgan holda foizlarda faktoring shartnomasi muddati davomida amalga oshiriladi.

Faktoring xizmatidan foydalanish uchun taqdim qilinadigan xujjatlar ro’yhati:

  • Faktoring operatsiyasini amalga oshirish uchun ariza;

  • Mol etkazib beruvchi va to’lovchi o’rtasida tuzilgan va haqiqiysi bilan solishtiriladigan oldi sotdi (bajarilgan ishlar, ko’rsatilgan xizmatlar) shartnomasi nusxasi. Shartnomada to’lov muddati aniq ko’rsatilish lozim;

  • Yetkazib berilgan tovarlarni (bajarilgan ishlar, ko’rsatilgan xizmatlar) haqiqatda etkazib berilganini tasdiqlovchi hujjatlar nusxasi;

  • To’lovchi tomonidan boshqa banklarda ochilgan hisob-raqamlar ro’yxati.

To’lovchining moliyaviy holatini tekshirish uchun zarur bo’lgan hujjatlar:

  • So’nggi hisobot davri uchun buxgalteriya hisoboti;

  • Moliyaviy natijalar to’g’risidagi hisobot;

  • Moliyaviy majburiyatlar to’g’risida ma’lumotnoma, pul oqimi haqida hisobot;

  • Debitorlik va kreditorlik qarzdorliklari to’g’risidagi (ularning shakllanishi sanasi bilan birga ko’rsatilgan) ma’lumot;

  • Mol yetkazib beruvchining to’lovchi bilan hisob-kitoblari, yetkazib berilgan tovarlari hajmi va uning aylanuvchanligini aks ettiruvchi hisob-kitob hujjatlari.

Ushbu hujjatlar ro’yhati faktoring xizmatlarini korsatish uchun yetarli bo‘lmagan holda bank hodimlari tomonidan qo‘shimcha hujjatlar talab qilinish mumkin.

Valyuta kurslari

19.11.2019 dan ma’lumotlar (cbu.uz)
1 USD = 9500.96
1 EUR = 10498.56
1 RUB = 149.01
1 GBP = 12255.29
Created with Snap
Belgilangan matnni tinglash uchun quyidagi tugmani bosing Powered by GSpeech